Waziri Mchengerwa atoa wito kwa jeshi kuwa na timu ya soka.

 

Na John Mapepele

Waziri wa Utamaduni, Sanaa na Michezo. Mhe, Mohamed Mchengerwa ametoa wito  kwa majeshi kuanzisha  timu  ya soka itakayoshiriki ligi kuu nchini ili kuongeza ushindani na mvuto wa ligi.

Mhe. Mchengerwa ametoa wito huo usiku wa kuamkia leo Agosti 28, 2022 kwa Mkuu wa Majeshi, Jenerali Jakob John Mkunda katika uwanja wa Gofu wa jeshi wa Lugalo jijini Dar es Salaam wakati akifunga  mashindano ya Gofu ya NBC Lugalo Patron Trophy 2022.

Amefafanua kuwa majeshi yamekuwa na historia ya kutoa mchango mkubwa ambapo ameelezea kwamba   wachezaji wengi wanaoshinda katika mashindano mengi wanatoka kwenye majeshi.

Aidha amesema kutokana na nidhamu iliyojengeka kwenye majeshi anaimani kuwa jeshi linauwezo wa kuanzisha timu hiyo ambayo itakuwa miongoni mwa timu tishio ndani na nje ya nchi yetu.

Amesifu juhudi zinafanywa na jeshi katika kuanzisha klabu ya gofu na  miundombinu ya michezo huo Dar es Salaam na Dodoma na kuruhusu raia kutumia ambapo ameeleza kuwa kufanya hivyo kunakuza mchezo huo.

Ametoa wito kwa watu wengine kushiriki kwenye mashindano hayo na kusisitiza kuwa katika mashindano yanayofuata yeye pia atashiriki.

Aidha,  ametumia tukio hilo kumshukuru Rais wa Jamhuri ya Muungano wa Tanzania. Mhe, Samia Suluhu Hassan kwa mapinduzi makubwa anayoyafanya kwenye michezo na hatimaye kupata mafanikio makubwa kwenye michezo katika kipindi kifupi cha Serikali yake.

Akitolea mfano amesema Tanzania  haikuwahi kupata medali katika mashindano ya Jumuiya ya Madola toka mwaka 1982 ambapo katika kipindi cha  mwaka huu imefanikiwa kutwaa medali tatu.

Katika tukio hilo mlezi wa timu ya gofu ya Lugalo, Mkuu wa Majeshi mstaafu, Jenerali Venance Mabeyo amekabidhi ulezi wa timu hiyo kwa Mkuu wa Majeshi wa sasa Jenerali Jakob John Mkunda.

Mwanzilishi wa Klabu Gofu ya Lugalo, Mkuu wa Majeshi Mstaafu, Jenerali, George Waitara  amepongeza kazi nzuri iliyofanywa na Afande Mabeyo na kuekeza kuwa ana imani kubwa na mlezi mpya wa klabu hiyo Jenerali Mkunda kwa kuwa amekuwa mlezi wa wachezaji wengi wa majeshi ambao ndiyo wanaong'aa kwenye mashindano ya kimataifa hivi sasa.

Mwenyekiti wa Klabu ya Gofu ya Lugalo, Brigedia Jenerali mstaafu Michael Luwongo amemwomba Waziri Mchengerwa kuona uwezekano wa kuwa kitengo maalum cha mchezo wa Gofu katika Wizara yake ili kuuinua mchezo huo kama michezo mingine ya kimkakati.

Katika tukio hilo Mhe. Mchengerwa ambaye alikuwa mgeni rasmi alitoa zawadi kwa washindi wote ambapo ameeleza kuwa  washiri wote ni washindi, na kuwataka walioshindwa kutokata tamaa na badala yake kuongeza bidii ili hatimaye washinde.

Vikundi mbalimbali vya majeshi vya muziki vilipamba tukio hilo kwa burudani nzuri huku wageni wakivutunza vikundi hivyo na kushiriki kucheza pamoja.


Comments

Post a Comment

Popular posts from this blog

VIONGOZI WA DINI MKOANI SINGIDA WAJA NA MAAZIMIO SABA UCHAGUZI MKUU

Image
     Mwenyekiti wa Kamati ya  Amani ya Viongozi wa Dini  na Madhehebu mbalimbali Mkoa wa Singida,(aliyesimama)Hamis Muhamed Kisuke akiongoza kikao ambapo walizungumzia  hali ya amani kuelekea Uchaguzi Mkuu wa Mwaka huu na kuja na maazimo saba. (Picha na Rose Nyangasa). Mkuu wa Mkoa  wa Singida Dkt. Rehema Nchimbi  akizungumza na Kamati  ya Amani ya Viongozi wa Dini na Madhehebu  mbalimbali Mkoa wa Singida ambapo ameipongeza Kamati hiyo kwa kuamua  kuhamasisha amani na utulivu kwenye  kipindi cha Uchaguzi Mkuu wa mwaka huu (Picha na Rose Nyangasa)   Wajumbe wa Kamati ya Amani Mkoa wa Singida wakimsikiliza kwa makini Kamanda wa Polisi wa MKoa wa Singida, Sweetbert Njewike (hayupo pichani) wakati akielezea majukumu ya jeshi hilo kwenye siku ya upigaji kura Oktoba 28, mwaka huu. (Picha na Rose Nyangasa).        Kamanda wa Polisi wa MKoa wa Sin...
Read more

Wadau wapongeza MIF kwa kusaidia mtoto wa kike Zanzibar, wajitokeza kuichangia

Image
  Na John Mapepele.  Wadau mbalimbali wa kupigania maendeleo ya mtoto wa kike nchini wamejitokeza  kuchangia takribani  shilingi  bilioni moja  kwenye  taasisi ya Mwanamke Initiative Foundation (MIF) iliyopo Zanzibar inayojishughulisha na kumkwamua mtoto wa kike katika elimu ili kutimiza ndoto zake.  Wadau hao wametoa michango  hiyo katika  halfa maalum ya chakula cha usiku iliyoandaliwa na taasisi ya *MIF* usiku wa kuamkia leo Juni 19, 2022 Zanzibar  kutokana na kazi kubwa na nzuri inayofanywa na mfuko huo  katika suala zima la  kuwasaidia Watoto wa kike kufikia malengo  yao hivyo kuendesha maisha yao. Mwenyekiti na Mwanzilishi wa Mfuko huo, Mhe. Wanu Hafidh Ameir ambaye pia ni Mbunge wa Baraza la Wawakilishi Zanzibar na mtetezi wa haki  za vijana na wanawake amewashukuru wadau mbalimbali waliojitokeza ambapo amewaomba kuendelea  kuchangia ili kuwasaidia Watoto wa kike  waweze kutimiza ndoto zao. “Naom...
Read more

Hongereni Simba- Mhe, Mchengerwa

Image
  Na John Mapepele Waziri wa Utamaduni, Sanaa na Michezo. Mhe, Mohamed Mchengerwa ameipongeza timu ya  Simba kwa ushindi wa  goli 1-0 dhidi timu ya Orlando Pirates Aprili 17, 2022 kwenye dimba la  Mkapa  jijini Dar es Salaam. Pongezi hizi ameendelea kuzitoa leo baada ya zile alizotoa jana mara baada ya kumalizika kwa mechi hiyo. Ikumbukwe kuwa Mhe. Mchengerwa jana aliwaongoza maelfu ya  watanzania kwa niaba ya Rais wa Jamhuri ya Muungano wa Tanzania. Mhe Samia Suluhu Hassan kuishangilia Simba katika uwanja wa Mkapa hatimaye ikatwaa ubingwa huo. Asubuhi kabla ya mechi hiyo, Mhe. Mchengerwa baada ya kumaliza kushiriki mashindano makubwa  ya Qur'an barani Afrika  yaliyofanyika kwenye uwanja huo huo wa Mkapa, akiambatana na Naibu Katibu Mkuu  wake Said Yakubu alitoa wito kwa watanzania kujitokeza kuja kuishangilia Simba katika mechi hiyo iliyochezwa kuanzia  saa moja usiku ili ishinde. Ubingwa wa Simba ulipatikana kupitia kwa beki kisiki Sho...
Read more